Thursday, August 11, 2016

கவனிக்காமல் விடப்பட்டவை

கவனிக்காமல் விடப்பட்ட,
   ஒரு நீர் காக்கையின் 
   நீள் வட்டப்பாதை போல்,
கவனிக்காமல் விடப்பட்ட, 
   சில்வியா பிலாத்தின் 
   தற்கொலை நினைவுகள் போல்,
கவனிக்காமல் விடப்பட்ட, 
   ஒரு கவியின் 
   பின்னிரவு கவிதைகள் போல்,

நானும்,
கவனிக்காமல் விடப்பட்டவைகளுக்கான,
   ஒரு ஒழுங்கில் 
    என் வாழ்வை வாழ்ந்தேன், நேசித்தேன்....

நீ வந்தாய்,
      எவற்றையும் கவனிக்காதது போல் 
      எல்லாவற்றையும் கவனிக்கிறாய்....

 என்னுள் 
     ஒரு நீர் காக்கை 
      உயரப்பறந்து...
      தற்கொலை நினைவுகளை 
      தின்று தீர்த்து....
      கவியின் அங்கீகாரத்தை 
      அள்ளி வீசி செல்கின்றது...



No comments: